सुर्खेत — प्रदेशसभा सदस्यहरुका लागि प्रदेश ६ को
कार्यालयले आइतबार बिहान ११ बजे शपथ ग्रहणको कार्यक्रम राखेर निमन्त्रणा गरेको
थियो । तर, प्रदेश प्रमुख दुर्गाकेशर खनाल र २४ बढी
सदस्यहरु राजधानी काठमाडौंमै थिए ।
शनिबार दिनभर विमानस्थलमा कुरे पनि मौसमी
प्रतिकूलताले उडान नभएपछि प्रदेश प्रमुख खनालसहित सदस्यहरु नेपाली सेनाको
हेलिकप्टर चार्टर गरेर शपथ लिन आए ।
बिहान करिब १० बजेतिर हेलिकप्टरबाट ओर्लिएका प्रदेश प्रमुख खनाल
सिधै प्रदेश प्रमुखको कार्यालय गए । उनलाई नेपाली सेनाको टुकडीले सलामी दिए लगत्तै
पदभार ग्रहण गरे ।
निर्धारित समयमा सपथ ग्रहण हुने स्थिति नभएपछि मध्यान्ह १
बजेलाई सारिएको थियो । प्रदेश प्रमुख
दुर्गाकेशर खनालले प्रदेशसभाका ज्येष्ठ सदस्य हिमबहादुर शाहीलाई पद तथा गोपनियताको
शपथ खुवाए ।
लगत्तै प्रदेश प्रमुखको उपस्थितिमा ज्येष्ठ सदस्य शाहीले प्रदेशसभाका
अन्य ३९ जना सदस्यलाई सपथ ग्रहण गराए ।
सपथग्रहण पछि संक्षिप्त मन्तव्य राख्दै
प्रदेश प्रमुख खनालले मुलुकले नौलो अभ्यास गरिरहेकाले प्रदेशबासी सबै मिलेर अगाडि
बढ्नु पर्ने बताए ।
साभार इकान्तीपुर
No comments:
Post a Comment